豆腐花 + 燒賣 + 咖哩魚蛋 @ 建興亞婆豆腐花

(凍/熱) 豆腐花 HK $12/碗 燒賣 HK $16/9粒 咖哩魚蛋 HK $16/10粒

第一次去左南丫島，由榕樹灣岀發，行左一陣就見到依間建興亞婆豆腐花。未行到過去已經見到有一條長龍排隊買豆腐花。一場黎到，又見咁多人排隊買黎食，所以就同屋企人試下。

佢係自助式嘅，買完自己揾位坐，有啲似去 Food Count 食嘢咁。除左豆腐花之外，發現買豆腐花嘅另一邊有燒賣、咖哩魚蛋、紅腸、牛丸等嘅小食。

豆腐花有凍同熱揀，如果外賣嘅話要加 1 蚊。豆腐花幾幼滑。頭幾啖五知點解我同家姐都食到有少少疑似人蔘嘅味道 😅 不過丫爸同丫媽就食五岀有。

另外仲試左燒賣同咖哩魚蛋。咖哩魚蛋可以原味同咖哩兩溝。咖哩汁五會好辣，就算五係好食得辣嘅丫媽都接受到。雖然魚蛋五係好彈牙，不過個咖哩汁都幾好味。

建興亞婆豆腐花 Kin Hing Tofu Dessert 地址 : 南丫島榕樹灣大灣肚1號 #yanfoodstory小食 #yanfoodstory港式 #yanfoodstory南丫島